આ પુસ્તકમાં શ્રીરામકૃષ્ણદેવના જીવનના પ્રસંગો અને માનવકલ્યાણ માટેના તેમના અમૂલ્ય ઉપદેશોનો સંગ્રહ છે. તેમાં માસ્ટર મહાશય (મહેન્દ્રનાથ ગુપ્ત) દ્વારા આલેખાયેલ પ્રસંગોની જાદુઈ અસર જોવા મળે છે. શ્રીરામકૃષ્ણના ‘જેટલા મત તેટલા પથ’ ના સિદ્ધાંત દ્વારા સર્વધર્મ સમભાવનો સંદેશ અપાયો છે, જે આજના સમયમાં અત્યંત પ્રસ્તુત છે.

ફ્રેન્ચ વિદ્વાન રોમાં રોલાંએ તેમને ભારતની બે હજાર વર્ષની આધ્યાત્મિક સાધનાનું પરિણામ ગણાવ્યા છે, જ્યારે સ્વામી વિવેકાનંદ તેમને ‘અવતારોમાં વરિષ્ઠ’ માનતા હતા. પ્રકાશકનો મુખ્ય ઉદ્દેશ્ય વાચકોને પવિત્ર જીવન, માનસિક શાંતિ અને જીવનના સાચા ધ્યેય તરફ પ્રગતિ કરવામાં મદદ કરવાનો છે.