આ પુસ્તક માનવ જીવનમાં સત્સંગના મહત્વ પર ભાર મૂકે છે. માયાના બંધનમાં ફસાયેલો જીવ સત્સંગ દ્વારા જ આત્મપ્રકાશ અને પૂર્ણતા મેળવી શકે છે. બ્રહ્મવિદ્યાસંપન્ન મહાપુરુષનો સંગ મન અને બુદ્ધિને શુદ્ધ કરે છે. આ ગ્રંથ શ્રી શારદાદેવીના શિષ્ય સ્વામી વિશુદ્ધાનંદજી મહારાજ સાથે જોડાયેલા દિવ્ય પ્રસંગો અને તેમના સાંનિધ્યના અનુભવોનો ખજાનો છે. વયોવૃદ્ધ વાચકોની સુવિધા માટે આ આવૃત્તિ મોટા અક્ષરોમાં છાપવામાં આવી છે, જેથી લોકો સરળતાથી આ જ્ઞાન-અમૃતનો લાભ લઈ શકે.