આ પુસ્તક ની શરૂઆત સ્વામી વિવેકાનંદના પ્રેરક સંદેશથી થાય છે, જેમાં તેઓ જણાવે છે કે મનુષ્યને બાળપણથી જ 'પાપી' કે 'નિબળ' ગણવાને બદલે તેને 'અમૃતના સંતાન' ગણી સકારાત્મક વિચારો આપવા જોઈએ. મનુષ્યે સતત 'સોડહમ્' (હું તે જ પરમાત્મા છું) ના વિચારનું રટણ કરવું જોઈએ. આ પુસ્તક રામકૃષ્ણ મઠના વિદ્વાન સન્યાસી સ્વામી આત્માનંદજી દ્વારા રચિત છે. તેમના હિન્દી ગ્રંથ 'ગીતાતત્ત્વચિંતન' માંથી પુનર્જન્મમીમાંસા વિષયને લગતા લેખોનું આમાં સંકલન કરવામાં આવ્યું છે, જે અગાઉ 'શ્રીરામકૃષ્ણ જ્યોત'માં પ્રકાશિત થયા હતા. આ કાર્ય ભગવાન શ્રીરામકૃષ્ણદેવને અર્પણ કરવામાં આવ્યું છે.