આ પુસ્તક શ્રી રામકૃષ્ણ મઠ અને મિશનના છઠ્ઠા પરમાધ્યક્ષ સ્વામી વિરજાનંદજી મહારાજ દ્વારા મૂળ બંગાળીમાં લખાયેલ 'પરમાર્થ પ્રસંગ'નું ગુજરાતી સંસ્કરણ છે. સ્વામી વિરજાનંદજી શ્રી માં શારદાદેવીના મંત્રદીક્ષિત શિષ્ય અને સ્વામી વિવેકાનંદના પ્રથમ ચાર સંન્યાસી શિષ્યોમાંના એક હતા.

તેમણે વિવેકાનંદજીના ગ્રંથોના સંપાદન અને પ્રકાશનમાં અમૂલ્ય યોગદાન આપ્યું છે. આ ગ્રંથમાં તેમના ૬૦ વર્ષના દીર્ઘ સાધનાકાળ, શ્રી રામકૃષ્ણદેવના અંતરંગ શિષ્યોના સહવાસ અને નિષ્કામ કર્મયોગના અનુભવોનો અર્ક રજૂ કરવામાં આવ્યો છે, જે મુમુક્ષુઓ માટે અત્યંત ઉપયોગી છે.