આ પુસ્તક મૂળ હિન્દી કૃતિ 'ભૂલે ન ભુલાયે' નો ગુજરાતી અનુવાદ છે, જે રામેશ્વર તાંતિયા સ્મૃતિ ન્યાસ, કોલકાતાના સહયોગથી પ્રકાશિત થયું છે. શ્રી રામેશ્વર તાંતિયા એક ઉદ્યોગપતિ હોવા છતાં સાહિત્ય અને ભારતીય સંસ્કૃતિ પ્રત્યે ઊંડો લગાવ ધરાવતા હતા.

આ પુસ્તકની વાર્તાઓનો મુખ્ય આધાર ઇતિહાસ, સંસ્કૃતિ અને નૈતિક મૂલ્યો છે. તેમાં માનવીય ગુણો જેવા કે નિષ્ઠા, પ્રામાણિકતા, કર્તવ્યનિષ્ઠા અને પ્રેમનો મહિમા કરવામાં આવ્યો છે. આ પ્રસંગો અગાઉ ગુજરાતી સામયિક 'શ્રી રામકૃષ્ણ જ્યોત' માં ધારાવાહિક સ્વરૂપે પ્રસિદ્ધ થઈ ચૂક્યા છે.

પુસ્તકના અનુવાદમાં શ્રી મનસુખભાઈ મહેતા, શ્રી ચંદ્રકાંતભાઈ દવે અને શ્રી હર્ષદભાઈ પટેલે મહત્વનું યોગદાન આપ્યું છે. મૂલ્યલક્ષી શિક્ષણ માટે આ પુસ્તક અત્યંત પ્રેરણાદાયી અને સંતર્પક બની રહેશે તેવી આશા પ્રકાશકે વ્યક્ત કરી છે.