આ પુસ્તક રામકૃષ્ણ મિશન (કોલકાતા) દ્વારા પ્રકાશિત સ્વામી લોકેશ્વરાનંદજીના અંગ્રેજી પુસ્તક 'Katha Upanishad' નો ગુજરાતી અનુવાદ છે. સ્વામીજીએ આપેલા સાપ્તાહિક પ્રવચનોના આધારે આ પુસ્તક તૈયાર થયું છે. તેમાં શંકરાચાર્યના ભાષ્ય (ટીકા) ને ધ્યાનમાં રાખીને સરળ ભાષામાં સમજૂતી આપવામાં આવી છે, જેથી સામાન્ય માણસ પણ ઉપનિષદના જ્ઞાનને જીવનમાં ઉતારી શકે. સ્વામી વિવેકાનંદના પ્રિય એવા આ 'કઠોપનિષદ' દ્વારા વાચકો ઉપનિષદના ગૂઢ રહસ્યો સમજે અને પોતાની જીવનધારાને ઉમદા બનાવે તેવી અપેક્ષા રાખવામાં આવી છે. મુખ્ય ઉપનિષદોની પુસ્તકશ્રેણીમાં આ ચોથું સોપાન (પુસ્તક) છે.