'ચાલો સાંભળીએ સ્વામીજી વાર્તા કહે છે' પુસ્તકની નવી આવૃત્તિ યુવા પેઢીના ઉત્સાહભર્યા પ્રતિસાદ સાથે પ્રકાશિત કરવામાં આવી છે. ધર્મના ગૂઢ રહસ્યો અને જીવનના સત્યોને વ્યવહારિક રીતે સમજાવવા માટે પ્રાચીન સમયથી જ ઇતિહાસ, પુરાણો અને દૃષ્ટાંત કથાઓનો આશ્રય લેવાની પરંપરા રહી છે. સ્વામી વિવેકાનંદે તેમના પ્રવચનોમાં રામાયણ, મહાભારત અને લોકકથાઓના પ્રેરક ઉદાહરણો આપીને ધર્મ, કર્તવ્ય, ભક્તિ અને સેવા જેવા વિષયો સરળતાથી સમજાવ્યા છે.