ભારતમાં શક્તિપૂજા' પુસ્તક માં  સ્વામી શારદાનંદજી શક્તિ ઉપાસનાનું આધ્યાત્મિક રહસ્ય સમજાવે છે. જગદંબાને માતા તરીકે પૂજવાની પરંપરા ભારતની આગવી વિશેષતા છે. જગદંબા સગુણ અને નિર્ગુણ બંને સ્વરૂપે છે. મનુષ્યનું મન સીધું નિર્ગુણ તત્વને પામી શકતું નથી, તેથી 'નિર્વિકલ્પ સમાધિ' જ તેની પૂર્ણ પ્રાપ્તિનો માર્ગ છે. મૂર્તિપૂજા એ માત્ર જડ પદાર્થની પૂજા નથી, પરંતુ પ્રતીકોના માધ્યમથી પરમાત્માના ગુણોનું આરોપણ કરી આંતરિક ભાવો જગાડવાનું સાધન છે.  સાધનામાં સફળતા માટે કપટ વિનાનો સાચો અનુરાગ, સ્વાર્થત્યાગ અને મનની એકાગ્રતા અનિવાર્ય છે. સાધકના ભિન્ન ભિન્ન ભાવોને આધારે ઋષિઓએ વિવિધ માર્ગો દર્શાવ્યા છે.