આ પુસ્તક 'ભગવાન શ્રીકૃષ્ણ અને ભગવદ્ગીતા'  નવી આવૃત્તિ  છે. આ પુસ્તક મુખ્યત્વે સ્વામી વિવેકાનંદ દ્વારા આપવામાં આવેલા વ્યાખ્યાનો પર આધારિત છે.૧૮૯૭માં જ્યારે સ્વામી વિવેકાનંદ કોલકાતાના આલમબજાર મઠમાં રહેતા હતા, ત્યારે તેમણે યુવાનોને સંન્યાસ અને બ્રહ્મચર્યની દીક્ષા આપી હતી. આ યુવાનોને ભવિષ્યના કાર્યો માટે તૈયાર કરવા સ્વામીજીએ ગીતા અને વેદાંતના વર્ગો શરૂ કર્યા હતા અને ધ્યાન-સાધનાની તાલીમ આપી હતી. સ્વામીજીએ આ વાર્તાલાપ બંગાળી ભાષામાં આપ્યા હતા, જે મઠની ડાયરીમાંથી લેવામાં આવ્યા છે. આ ઉપરાંત, 'સ્વામી વિવેકાનંદ ગ્રંથમાળા'ના અન્ય ભાગોમાંથી પણ સામગ્રી સંકલિત કરવામાં આવી છે.