શિક્ષક માત્ર ભણાવનાર નથી, પરંતુ વિદ્યાર્થીઓમાં જ્ઞાનની ભૂખ જગાડનાર અને પ્રેરણા આપનાર છે. તેમનું કાર્ય વિદ્યાર્થીઓના ચારિત્ર્યનું ઘડતર કરી તેમને દેશના ઉપયોગી નાગરિક બનાવવાનું છે.વિદ્યાર્થીઓમાં સ્ત્રી-પુરુષ સમાનતા, સહિષ્ણુતા, પર્યાવરણ પ્રત્યે જાગૃતિ અને અન્યના મંતવ્યો પ્રત્યે આદર (લોકશાહી અભિગમ) કેળવવો એ શિક્ષકની જવાબદારી છે. ભારતની વિવિધતામાં એકતા જાળવી રાખવા માટે વિદ્યાર્થીઓમાં રાષ્ટ્રીય ચેતના અને સામાજિક જવાબદારીનું ભાન કરાવવું જરૂરી છે.  આજના વર્ગખંડમાં અપાતું શિક્ષણ જ આગામી પેઢી અને ભારતના ભવિષ્યનું નિર્માણ કરશે. ઈતિહાસની ખરાબ બાબતોને છોડીને સારી બાબતો અપનાવવાનો વિવેક વિદ્યાર્થીઓમાં કેળવવો જોઈએ.