શિક્ષણ માત્ર આજીવિકા (ભૌતિક શિક્ષણ) માટે નથી, પરંતુ તે જીવન ઘડતર અને 'મૂલ્યનિષ્ઠ શિક્ષણ' (પરા વિદ્યા) માટે હોવું જોઈએ. આજના યુવાનો ઇન્ટરનેટના કારણે માહિતીથી સમૃદ્ધ છે, પરંતુ તેમનામાં સાચા ડહાપણ અને આત્મજ્ઞાનનો અભાવ છે. સ્વામી વિવેકાનંદના વિચારો પર આધારિત, રામકૃષ્ણ મિશને ‘માનવ બનો અને માનવ બનાવો’ પ્રોજેક્ટ અંતર્ગત મૂલ્યનિષ્ઠ સાહિત્ય પ્રકાશિત કર્યું છે.  ધોરણ-૧૧ ના તરુણોમાં આવતા શારીરિક-માનસિક બદલાવોને યોગ્ય દિશા આપવા માટે નિઃસ્વાર્થ સેવા અને યોગ્ય માર્ગદર્શકની જરૂર છે. આ પુસ્તક તેમને સેવાકાર્યો અને સ્વામીજીના જીવન દ્વારા પ્રેરણા આપે છે. આ પુસ્તક મૂળ અંગ્રેજી ગ્રંથ 'Are We Alive?' નો ગુજરાતી અનુવાદ ‘આપણે જીવંત છીએ ખરાં?’ છે, જે શિક્ષણશાસ્ત્રીઓ અને વિદ્યાર્થીઓ માટે માર્ગદર્શિકા સમાન છે.