ગોસ્વામી તુલસીદાસના કથન મુજબ, જીવ ઈશ્વરનો અંશ હોવાથી મૂળભૂત રીતે સુખસ્વરૂપ છે. દરેક મનુષ્ય અત્યંત અને અતૂટ સુખની ઝંખના કરે છે, જે માત્ર આધ્યાત્મિક માર્ગે પરમાત્માને પામવાથી જ શક્ય છે.

આ પુસ્તક રામકૃષ્ણ સંઘના સ્વામી બ્રહ્મેશાનંદજી મહારાજના લેખોનો સંગ્રહ છે, જે સૌપ્રથમ હિન્દી પત્રિકા 'વિવેક શિખા'માં પ્રકાશિત થયા હતા અને બાદમાં અદ્વૈત આશ્રમ દ્વારા પુસ્તક રૂપે પ્રસિદ્ધ થયા હતા.