સ્વામી વિવેકાનંદના મતે શિક્ષણ એટલે માત્ર માહિતીનો સંગ્રહ નહીં, પરંતુ જીવન, મનુષ્ય અને ચારિત્ર્યનું ઘડતર કરનારા વિચારોનું ગ્રહણ અને અમલીકરણ છે. આખું પુસ્તકાલય ગોખી નાખનાર વ્યક્તિ કરતા પાંચ ઉમદા વિચારોને જીવનમાં ઉતારનાર વ્યક્તિ વધુ કેળવાયેલી છે. આ પુસ્તક મૂળ 'શ્રીરામકૃષ્ણ જ્યોત'ના નવેમ્બર 1994ના 'શિક્ષણ' વિશેષાંક પર આધારિત છે, જેની લોકપ્રિયતાને કારણે તેનું બીજું સંસ્કરણ પ્રકાશિત થયું છે.તેમાં રામકૃષ્ણ મિશનના વરિષ્ઠ સંન્યાસીઓ અને ગુજરાતના જાણીતા લેખકોના લેખોનો સમાવેશ કરવામાં આવ્યો છે.